Sommarkatalog 2020 (Nr. 170)

I vinter har eg «teke meg fri» og skrive bok. I katalogen her lanserer Nynorsk Antikvariat: «Thrond Sjurson Haukenæs. Mannen og verket» av Arne-Ivar Kjerland. Det har vorte ei rikt illustrert innbunden folkebok på 280 sider. Prisen er kr 350,00 og alle som ber om det får dedikasjon. Kjøper du boka no får du fri frakt på heile kjøpet frå denne katalogen!

Elles byr vi på eit allsidig utval på 500 bøker i mange sjangrar, og ikkje minst ei rekkje originalutgåver av Haukenæs. (Det er dublettane i mi eiga Haukenæs-samling som no får nye eigarar). Andre kategoriar vi vil trekkje fram er: «Godt sagt», Partia Sosialistisk Venstreparti og Høgre, Fuglar, Øl, Røyk og Edruskap, Frankrike, Svenskar og Nynorske godbitar!

Vi vonar du finn bøker som du vil sikre deg – vi skal vere raske med ekspederinga!

Hugs at dess fleire bøker du tingar, di lågare vert portoen for kvar bok.

Som alltid gjeld det å vere tidleg ute. Bruk skjemaet, då sikrar du deg at ingen «snappar» boka framfor nasen din.

HALD DEG FRISK!

Du finn det ordinære sortimentet vårt på over 60.000 titlar her: Søk på alle bøker fra Nynorsk Antikvariat